Дональд Трамп маъмурияти яна 36 давлат фуқароларининг АҚШга киришини тақиқлаш ёки чеклаш масаласини кўриб чиқмоқда. Улар орасида фуқаролари Қўшма штатлардаги террорчилик ҳаракатларида ёки “Антисемитизм ва Америкага қарши фаолият”да иштирок этган давлатлар, шунингдек, Қирғизистон ҳам бор, дейилади АҚШ департаменти баёнотида.

Унга кўра, давлат департаменти 60 кун ичида белгиланган мезон ва талабларга жавоб бермаса, киришини тўлиқ ёки қисман тўхтатиб қўйишни тавсия этиши мумкин бўлган безовта қилувчи 36 та давлат аниқланган.

Давлат департаментига кўра, рўйхатдаги давлатларнинг мос келмайдиган кўрсаткичлари қуйидагилар саналади:

- ҳужжатларни расмийлаштириш билан боғлиқ муаммолар;

- паспортларнинг «шубҳали хавфсизлиги»;

- ўз фуқароларини АҚШдан депортация қилишда ҳамкорлик қилишдан бош тортиш ва визанинг бузилиши.

Қайд этилишича, рўйхатга Ангола, Антигуа ва Барбуда, Бенин, Бутан, Буркина Фасо, Кабо Верде, Камбоджа, Камерун, Кот д’Ивуар, Конго Демократик Республикаси, Жибути, Доминика, Эфиопия, Миср, Габон, Гамбия, Гана, Малави, Қирғизистон, Либерия, Мави, Нигерия, Сент Китс ва Невис, Сент Люсия, Сан Томе ва Принсипи, Сенегал, Жанубий Судан, Сурия, Танзания, Тонга, Тувалу, Уганда, Вануату, Замбия, Зимбабве кириши мумкин.

Аввалроқ Трамп 12 давлат фуқароларининг АҚШга киришини тақиқлаб, еттита давлат фуқароларига маълум чекловлар қўйган эди. Тўлиқ тақиқ Афғонистон, Мянма, Чад, Конго Республикаси, Экваториал Гвинея, Эритрея, Гаити, Эрон, Ливия, Сомали, Судан ва Яман фуқароларига жорий қилинган. Қисман тақиққа Бурунди, Куба, Лаос, Сьерра Леоне, Того, Венесуэла ва Туркманистон фуқаролари киритилган эди.