Жорий йилнинг март ойида Ҳомай қўшиғи билан оммалашган, этно-поп усулида ижод қилувчи бошқирдистонлик Ay Yola гуруҳи Yola номли қўшиғига Ўзбекистон, Қозоғистон, Ёқутистон ва Бошқирдистонда суратга олинган клипини тақдим этди. Клипни суратга олиш ишлари мазкур мамлакатларнинг ноёб, гўзал ерларида амалга оширилган.

Хусусан, томошабин Ўзбекистондаги дурдона меъморий асарлари билан қад ростлаган қадимий Бухоро архитектурасини ҳам кўриши мумкин. Кейинги кадрлар бўлса Қозоғистоннинг бепоён, ажойиб ландшафтлари билан ҳайратга соладиган Мангистауда суратга олинган. Ёқутистоннинг шимолий гўзаллиги (Саха-Якутия) клипга ўзгача атмосфера беради. Ижодий гуруҳнинг она ватани бўлмиш Бошқирдистон бўлса ўзининг бетакрор манзараси билан клипга якун ясайди.

Клип You Tube платформасига жойланганига бор-йўғи 3 кун бўлган бўлсада, кўришлар сони 835 мингдан ошган.