Алишер Ағзамхўжаев Сенатнинг Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитаси раиси лавозимини эгаллади. Бу ҳақда Дунё ахборот агентлиги хабар берди.

1980 йилда Тошкент давлат университетининг (ҳозирги Ўзбекистон Миллий университети) ҳуқуқшунослик факультетини тамомлаган Алишер Ағзамхўжаев 2017-2025 йилларда Ўзбекистоннинг Туркиядаги, 2018 йилдан буён эса бир вақтнинг ўзида Ўзбекистоннинг Болгариядаги элчиси лавозимларида ишлаган.