14 май куни Тожикистон президенти Эмомали Раҳмон бир қатор қонунларни имзолади. Бу ҳақда мамлакатнинг Ховар ахборот агентлиги маълум қилган.

Имзоланган қонунлар орасида ижтимоий тармоқлардаги постларга “лайк” ва бошқа белгиларни қўйганлик учун жиноий жавобгарлик бекор қилиниши кўзда тутилган қонун ҳам мавжуд. Қайд этилишича, "Тожикистон республикаси жиноят кодексига ўзгартириш киритиш" тўғрисидаги қонунга қадар мазкур норма билан 1500дан ортиқ фуқаро жавобгарликка тортилган.

Қайд этилишича, қабул қилинган қонунлар мамлакатнинг барқарор ижтимоий-иқтисодий ривожланиши ва аҳоли фаровонлигини таъминлашга қаратилган.