Марказий Осиё мамлакатлари қўшма телеканал ва медиа-платформа яратишни режалаштирмоқда. Бу ҳақда Қозоғистон республикаси Маданият ва ахборот вазири Аида Балаева Остона шаҳрида бўлиб ўтаётган II Марказий Осиё медиа-форумида маълум қилди.

"Давлат раҳбарларининг фаол ва яқин ҳамкорлиги туфайли бугунги кунда қардош мамлакатлар ўртасидаги муносабатлар жуда юқори даражада. Бизнинг вазифамиз бу импульсдан ўз соҳамизда ўзаро муносабатларни чуқурлаштиришда фойдаланишдир" – дейди вазир.

У шунингдек, Ўзбекистон билан 2025 йилга қадар амалга ошириладиган ҳамкорлик режаси имзоланганини маълум қилди. Хусусан:

- Контент алмашинуви;

- Тренинглар;

- Фейкларга қарши кураш;

- Ёш журналистларни қўллаб-қувватлаш

Аида Балаева ахборот соҳасидаги ҳамкорлик масаласи минтақа раҳбарлари даражасида ҳам бир неча бор кўтарилганини таъкидлаб, Марказий Осиёнинг бошқа давлатларини ҳам мазкур ташаббусга қўшилишга чақирган.