Урганч ва Нукус шаҳарлари аэропортларда кучли туман туфайли парвозлар кечиктирилди. Бу ҳақда Uzbekistan Airports матбуот хизмати хабар бермоқда.
 

Маълум қилинишича, 3 декабрь куни кечаси Урганч ва Нукус аэропортларида ёмон об-ҳаво туфайли кўриш имконияти ёмонлашгани боис самолётлар учиш ва қўнишни амалга ошира олмаган.
 

Қайд этилишича, қуюқ туман туфайли Урганч аэропортида кўриш имконияти 200 метрни ташкил этган. Москвадан AFL-1976 қатновини амалга ошириши керак бўлган самолёт соат 03:25 да Шереметьево аэропортидан уча олмаган.
 

Худди шундай ҳолат яна иккита қатновда кузатилган. Жумладан, соат 04:35 даги SBI6481 Самара–Урганч қатнови ҳамда соат 03:30 даги SVR2473 қатнови Санкт-Петербургдан учиб кета олмаган.
 

Самолётлар об-ҳаво шароити яхшилангунга қадар Урганч учиш аэропортида қолмоқда.
 

Шу билан бирга, кўриш масофаси 200 метр бўлган қуюқ туман Нукус аэропорти фаолиятини ҳам чеклаган.