Полковник Равшан Султанхўжаев Тошкент шаҳар Ички ишлар бош бошқармаси бошлиғи лавозимига тайинланди. Бу ҳақда бошқарма матбуот хизмати хабар берди.

Ушбу лавозимга қадар у 2023 йил август ойидан буён Хоразм вилояти ИИБ бошлиғи лавозимида ишлаб келган. 2021−2023 йилларда Тошкент шаҳри ИИББ бошлиғининг ўринбосари — Ҳуқуқбузарликлар профилактикаси департаменти бошлиғи, унгача эса пойтахт ИИББ ташкилий бошқармаси бошлиғи, шунингдек, ИИВ тезкор тергов бошқармаси бошлиғи ўринбосари лавозимларида ишлаган.

Аввалроқ собиқ шаҳар ИИББ бошлиғи Азиз Тошпўлатов Ички ишлар вазири лавозимига тайинлангани ҳақида хабар берилган эди.