Oʻzbekiston Respublikasi Prezidentining farmoni bilan Aziz Anvarovich Toshpoʻlatov Oʻzbekiston Respublikasi ichki ishlar vaziri lavozimiga tayinlandi.

Bundan ilgariroq A.Toshpoʻlatov nomzodi Oliy Majlis Qonunchilik palatasi deputatlari tomonidan maʼqullangan edi.

Oldin bu lavozimda Poʻlat Bobojonov faoliyat yuritib kelgan (2017-yil sentyabrdan buyon). Xabarda Bobojonovning keyingi ish joyi maʼlum qilinmagan.

Maʼlumot uchun, yangi rahbar bungacha Toshkent shahar Ichki ishlar bosh boshqarmasi boshligʻi lavozimida ishlab kelayotgan edi.