Қонунчилик палатаси депутатлари 30 декабрь куни Нарзулло Обломуродов номзодини Экология ва атроф-муҳитни муҳофаза қилиш давлат қўмитаси раиси лавозимига маъқуллади.

Амалдаги қонун ҳужжатларига мувофиқ, Вазирлар Маҳкамаси аъзолари, вазирлар лавозимга тайинланишидан аввал уларнинг номзоди Олий Мажлис Қонунчилик палатасида депутатлар томонидан кўриб чиқилади.

2021 йил 30 декабрь куни Олий Мажлис Қонунчилик палатасининг навбатдаги мажлиси бўлиб ўтди. Унда депутатлар Ўзбекистон Республикаси Экология ва атроф муҳитни муҳофаза қилиш давлат қўмитаси раиси лавозимига Нарзулло Обломурадов номзодини кўриб чиқдилар ва маъқулладилар.

Нарзулло Обломурадов шу кунга қадар Экологик партияси раиси лавозимида ишлаб келаётган эди. Президентлик сайловида номзод сифатида иштирок этиб, 4,14 фоиз овоз тўплаган эди.