Ўзбекистонлик Нодирбек Абдусаттаров Польша пойтахти Варшава шаҳрида бўлиб ўтаётган жаҳон чемпионатида шахматнинг рапид йўналиши бўйича 10-турдан кейин биринчи ўринга чиқиб олди.

17 ёшли шахматчимиз амалдаги жаҳон чемпиони норвегиялик Магнус Карлсенга қарши оқ доналарда ўйнаб, уни мағлубитга учратди.

Нодирбек аввалги турларда Фабиано Каруана, Левон Аронян, Радослав Войташек, Борис Гельфандни мағлуб этган, Ян Непомняший ва Александр Гришук билан дуранг ўйнаган эди.

Нодирбек 11-турда қора доналарда россиялик гроссмейстер Владимир Федосеев билан куч синашади.

Маълумот учун, жаҳон чемпионатининг умумий соврин жамғармаси – 700 минг долларни ташкил этади.