1976 йилда режиссёр Элдар Рязановнинг “Тақдир ҳазили ёки қушдек енгил бўлинг” фильми катта экранларга чиқди ва миллионлаб мухлислар учун Янги йил рамзи бўлиб қолди. У ҳар йил сўнггида телеэкранларда намойиш этилади.

Орадан деярли ярим аср ўтиб, Голливуд режиссёри Марюс Вайсберг мазкур фильмни қайта ишлади. Картина “Тақдир ҳақида” деб номланади, у Netflix сервисида 31 декабрь куни оммага тақдим этилади.

Режиссёрнинг айтишича, фильм қувноқ руҳда ишланган. У Бостонда 28 кун давомида суратга олинди. Актёрларга келадиган бўлсак, Надя ролини Эмма Робертс, Женяни Томас Манн, Ипполитни эса Льюис Тан ижро этган.