«Sceince & Innovation» илмий жамияти томонидан 2024 йил сарҳисоблари асосида «Ўзбекистоннинг таниқли олимлари» энциклопедияси эълон қилинди. Унда жамият ривожига ўз билими, илмий салоҳияти, педагогик маҳорати билан муносиб ҳисса қўшиб келаётган етук 348 нафар олимнинг илмий фаолияти ва ютуқлари акс этган биографиялар жамланган.

Эндиликда ушбу биографиялар кўп томли энциклопедия қилиниб, электрон ва босма ҳолатда нашр этилади.

Ҳозирда лойиҳа доирасида wikipedia.org онлайн энциклопедиясида олимларнинг саҳифалари яратилган ва taniqliolimlar.uz платформаси ишга туширилган.

Маълумот учун, ушбу лойиҳа Ўзбекистонда бугунги кунда илмий фаолият юритаётган етук олимлар ҳақида маълумот бериш мақсадида ишлаб чиқилган бўлиб, платформадаги маълумотлар доимий тарзда янгиланиб, тўлдириб борилади.