Индонезиянинг «UI Green Metric World University Ranking» халқаро рейтинг агентлиги томонидан бутун дунё олий таълим муассасалари бўйича жорий йил рейтинг натижалари эълон қилинди.

Қувонарлиси, Тошкент тўқимачилик ва енгил саноат институти — халқаро «UI Green Metric World University Ranking» нуфузли рейтингида ТОП олий таълим муассасалари қаторида ривожланаётган институт сифатида эътироф этилди ва дунё олийгоҳлари ичида 1296-ўринни эгаллади.

Маълумот учун, UI Green Metric World University Ranking — 2010 йилда «Университас Индонециа» томонидан ташкил этилган яшил кампус ва экологик барқарорлик рейтингидир. Мазкур танлов «Universitas Indonetsia» томонидан ўтказиладиган жаҳон даражасидаги олий ўқув юртлари рейтинги бўлиб, 6 мезон бўйича 39 кўрсаткич орқали университетларнинг экологик мажбуриятлари ва ташаббуслари натижаларини шаффоф аниқлашга қаратилган. Демак, UI Green Metric World University Ranking – «яшил» университетларнинг глобал рейтинги ҳисобланади.