Ўзбекистон бошқарув, таълим, IТ, меҳнат, тадбиркорлик ва зўравонликни олдини олиш соҳаларида эришилган ижобий натижаларга кўра Гендер тенглик ва бошқарув индексида (GEGI) 103-ўриндан 52-ўринга кўтарилгани маълум бўлди.

Маълумот учун, GEGI бешта асосий соҳада гендер тенгсизликни баҳолаб келади.

Ушбу индекс 158 мамлакатни қамраб олган бўлиб, гендер тенгликка эришиш йўлида муваффақият ва камчиликларни аниқлаш имконини беради.

Таъкидланишича, демократик бошқарув шаклидаги Европа давлатлари – Бельгия, Италия, Португалия ва Испания ҳамон рўйхатда биринчи ўринда турибди. Бироқ, аёллар Афғонистон, Эрон, Мавритания ва Қатар каби мамлакатларда муваффақият қозониш учун курашмоқда.

Минтақавий жиҳатдан, Яқин Шарқ, Шимолий Африка ва Жанубий Осиёда 2024 йилда паст кўрсаткичлар қайд этилган бўлса, Шимолий Америка, Европа ва Марказий Осиё аёлларга кўпроқ ҳуқуқ ва эркинликларни беришда яхшироқ ишламоқда.