2025 йил учун устувор вазифалар муҳокамасига қаратилган йиғилишда Президент дунёнинг энг руҳлантирувчи “Топ-100” аёли рўйхатига кирган Деновлик Дилором Йўлдошеванинг ишларини эътироф этди. У аёл ногиронлиги бўла туриб, тикув корхонасини очиб, 40 нафар камбағал хотин-қизларни ишли қилди.

“Мана шундай иродали, матонатли инсонларни ҳаммага ўрнак қилиб кўрсатсак, улар билан ҳар қанча фахрлансак арзийди”, – дейди давлат раҳбари.

Дилором Йўлдошева Президент фармонига мувофиқ, йиғилишда “Мардлик” ордени билан тақдирланди.

Президент 2025 йилда бундай инсонлар ҳақида камида 5 та мотивацион ҳужжатли ва бадиий фильмлар суратга олиш муҳимлигини таъкидлади. Бу борадаги ишларни мувофиқлаштириш Ижтимоий ҳимоя миллий агентлиги директорининг биринчи ўринбосари Ш.Мирзиёева зиммасига юклатилди.