Ўзбекистонда икки қанотли ҳашаротлар («Diptera») туркумининг йиртқич пашшалар («Asilidae») оиласига мансуб 2 та янги пашша тури кашф этилди.

Фан учун номаълум бўлган янги тур Самарқанд давлат университети олимлари бошчилигидаги энтомологлар жамоаси томонидан Тошкент ва Қашқадарё вилояти ҳудудидан топилган.

Маълумот учун, шу вақтга қадар йиртқич пашшалар («Asilidae») оиласига кирувчи 4 та тур мамлакатимизда учраши маълум эди. Янгиликдан сўнг уларнинг сони 6 тага етди.

Янги турларнинг бирига ўзбек энтомологи, Самарқанд давлат университети доценти Эркин Абдуллаевнинг номи берилган.

Эндиликда бу 2 турдаги пашша фанда мос равишда Dioctria abdullaevi ҳамда Dioctria hissarica деб аталади.