Маданият вазирлиги «Тошкент ҳақида қўшиқ» номли республика танловини эълон қилди.

Танлов 2025 йилнинг 27 январь куни бўлиб ўтади. Ғолиб ва совриндорларни тақдирлаш маросими эса 28 январь куни Тошкент шаҳрида ўтказилиши режалаштирилган.

18 ва ундан юқори ёшдаги профессионал ижодкорлар иштирок этиши мумкинлиги айтилаётган танлов бир босқичда ташкил этилади. Бунда авваллари ижро этилмаган янги қўшиқлар сараланади ҳамда улардан энг яхшилари танлаб олинади.

Ҳужжатлар ва ижро дастурлари 2025 йилнинг 15 январь кунига қадар Қорақалпоғистон Республикаси Маданият вазирлиги, вилоятлар ҳамда Тошкент шаҳар маданият бошқармаларида қабул қилинади.

Танлов ғолиби якунда Chevrolet Monza автомобили билан тақдирланади.