2027 йилги қиличбозлик бўйича жаҳон чемпионати Тошкент шаҳрида бўлиб ўтади. Бу ҳақда 30 ноябрь куни бўлиб ўтган Халқаро қиличбозлик федерацияси (FIE) конгрессида маълум бўлди.

Қиличбозлик бўйича катталар ўртасидаги мусобақа 20-28 июль кунлари бўлиб ўтиши режалаштирилиб, у 2028 йил 14−30 июль кунлари Лос-Анжелесда ўтказиладиган Олимпия ўйинларига саралашда муҳим роль ўйнайди.

Тадбирда шунингдек, тадбиркор Алишер Усмонов FIE президенти этиб сайланди. Ўзбекистон қиличбозлик федерацияси Бош котиби Гулнора Саидова эса Халқаро қиличбозлик федерацияси Ижроия қўмитаси аъзолари қаторидан жой олди.