Бокуда бўлиб ўтган "Турон электрон тижорат ва экспорт” форумида янги "Made in Turan” савдо маркаси тақдим қилинди.

Озарбайжон франчайзинг ассоциацияси бошқарув раиси Жамид Мовсумовга кўра, "Made in Turan” савдо маркаси остида туркий мамлакатларнинг юқори сифатли озиқ-овқат ва ноозиқ-овқат маҳсулотлари ишлаб чиқарилади. Бу орқали туркий давлатлар маҳсулотларини дунё бозорида тарғиб қилиш мақсад қилинган. Ассоциация масъулининг фикрига кўра, бренд сифат белгиси бўлади. Ушбу марка остида маҳсулот ишлаб чиқарувчилар эса божхона имтиёзларига эга бўлиши мумкин.

Савдо маркасининг илк маҳсулотлари миллий озиқ-овқат ва кийим-кечаклар бўлади.

"Биз товар ва хизматларнинг янада кенг доирасини тақдим этиш ниятидамиз”– дейди Мовсумов.