Ниҳон Ҳиданкё – Японияда атом бомбасидан омон қолганлар ташкилоти Нобел мукофотининг «Тинчлик« бўйича совриндори деб топилди. Бу ҳақда Норвегия Нобел қўмитаси хабар беради.

Ташкилот Нобел мукофотига «Ядро қуролларидан ҳоли дунё яратиш учун қилган ҳаракатлари ва гувоҳларнинг кўрсатмалари билан ядро қуролларини бошқа ҳеч қачон қўллаш керак эмаслигини исботлагани учун» лойиқ топилган.

Нихон Ҳиданкё ташкилоти Хиросима ва Нагасаки шаҳарларига ташланган атом бомбасидан зарар кўрганларни бирлаштирган бўлиб, унга аъзо бўлганлар атом бомбасидан зарар кўрганларни қўллаб-қувватлаш учун лоббизм билан шуғулланиб, ядро қуролларни бекор қилишга чақиради.

Мукофот анъанавий тарзда, 10 декабрь Альфред Нобель вафот этган куни топширилади.