Хайруллаева Феруза Нурмат қизи Oyina.uz портали бош муҳаррири лавозимига тайинланди. У бунгача Oyina.uz портали бош муҳаррири ўринбосари лавозимида ишлаб келган.

Феруза Хайруллаева 1993-йил 19-июнь куни Самарқанд вилояти Паяриқ тумани Туятош қишлоғида туғилган. 2017-йили Мирзо Улуғбек номидаги Ўзбекистон Миллий университети журналистика факультети бакалавриатини, 2019-йили магистратура босқичини тугатган.

 У иш фаолиятини 2017-йили “Ҳуррият” газетасида бошлаб, Республика Ёш ижодкорлар кенгаши, “Кино санъати” журнали, Янгиҳаёт туман ҳокимлиги матбуот хизматида турли лавозимларда хизмат қилган.

Анъанавий “Зомин” семинари республика босқичи иштирокчиси (2017), “Энг улуғ энг азиз” танлови республика босқичи ғолиби (2023), Зулфия мукофоти совриндори (2022).