Халқаро фан олимпиадалари ғолиблари ҳамда уларнинг ўқитувчилари пул мукофоти билан рағбатлантирилди. Тақдирлаш маросимида Халқ таълими вазирлиги мутасаддилари, Ёшлар ишлари агентлиги вакиллари, олимпиада ғолиблари, уларнинг устозлари ва ота-оналари иштирок этди.

Дунёда тан олинган математика (IMO), физика (IphO), кимё (IChO), биология (IBO), информатика (IOI) халқаро нуфузли фан олимпиадаларида ғолибликни қўлга киритган ўқувчилар ва уларнинг ўқитувчилари бир марталик пул мукофотлари билан тақдирланади:

1-ўрин (олтин медаль) учун – ўқувчига базавий ҳисоблаш миқдорининг 500 баравари (122,5 млн. сўм), ўқитувчисига – 450 баравари (110,25 млн. сўм);

2-ўрин (кумуш медаль) учун – ўқувчига базавий ҳисоблаш миқдорининг 300 баравари (73,5 млн. сўм), ўқитувчисига – 250 баравари (61,25 млн. сўм);

3-ўрин (бронза медаль) учун – ўқувчига базавий ҳисоблаш миқдорининг 200 баравари (49 млн. сўм), ўқитувчисига –150 баравари (36,75 млн. сўм) миқдорида пул мукофоти берилади.

2021 йилнинг июль-август ойларида ўтказилган ушбу халқаро олимпиадаларда ўзбекистонлик ўқувчилар жами 10 та (2020 йилда 6 та) медаль, шу жумладан, 3 та олтин (2020 йилда 1 та), 2 та кумуш (2020 йилда 4 та) ва 5 та бронза (2020 йилда 1 та) медаллари қўлга киритди.

Жумладан, 25 июль – 2 август кунлари Япония давлатида ўтказилган 53-Халқаро кимё олимпиадасида дунёнинг 65 давлатидан 260 нафар ўқувчи иштирок этди. Ўзбекистон терма жамоасидан қуйидаги ўқувчилар 1 та олтин ва 3 та бронза медалларини қўлга киритди:

Собиржон Аманов– Тошкент педиатрия тиббиёт институти қошидаги академик лицей ўқувчиси, олтин медаль;

Фирдавс Собиров – Бухоро шаҳри 35-мактаб ўқувчиси, бронза медаль;

Дурдона Мухторхўжаева – Ибн Сино мактаби ўқувчиси, бронза медаль;

Икромиддин Боймаҳаммадов – Ибн Сино мактаби ўқувчиси бронза медаль.

14-24 июль кунлари Россия Федерацияси томонидан ўтказилган 62-Халқаро математика олимпиадасида дунёнинг 110 давлатидан 623 нафар ўқувчи қатнашиб, Ўзбекистон делегациясидан:

Диёрбек Толипов – Бухоро вилояти Ғиждувон тумани

5-ихтисослашган математика мактаби ўқувчиси кумуш медаль;

Олимжон Олимов – Бухоро вилояти Халқаро математика мактаби ўқувчиси бронза медалга сазовор бўлди.

Маълумот учун: юртимиз ўқувчилари мазкур олимпиадада сўнгги бор 2017 йилда кумуш медални қўлга киритган.

18-23 июль кунлари Португалияда бўлиб ўтган 32-Халқаро биология олимпиадасида дунёнинг 76 давлатидан 304 нафар ўқувчи иштирок этди. Ўзбекистон терма жамоаси аъзолари 2 та олтин ва 1 та кумуш медалларини қўлга киритди:

Хумоюн Норбеков – Жиззах давлат педагогика университети қошидаги академик лицей ўқувчиси, олтин медаль;

Азиза Абдувалиева – Тошкент педиатрия тиббиёт институти қошидаги академик лицей ўқувчиси, олтин медаль;

Ёрқинбек Турдибоев – Навоий вилояти Навоий шаҳри

11-ихтисослашган кимё-биология мактаби ўқувчиси, кумуш медаль.

Маълумот учун: 2020 йилда юртимиз жамоаси аъзолари мазкур олимпиадада 1 та олтин ва 2 та кумуш медалларни қўлга киритган.

17-24 июль кунлари Литвада ўтказилган 51-Халқаро физика олимпиадасида дунёнинг 73 давлатидан 365 нафар ўқувчи иштирок этди. Ўзбекистон терма жамоасидан Тошкент шаҳридаги 71-мактаб ўқувчиси Раил Хашаев бронза медаль билан тақдирланди.

Маълумот учун: Ўзбекистон тарихида физика халқаро олимпиадасидаги иккинчи медаль, мактаб ўқувчисининг илк медали.

Юқоридаги номлари келтирилган нуфузли халқаро олимпиадаларда ғолиб бўлган ўқувчилар олий таълим муассасаларига имтиҳонсиз имтиёзли равишда қабул қилинади.

Бундан ташқари, минтақавий халқаро олимпиадаларда ҳам ўқувчиларимиз муносиб иштирок этиб, 31 та медални (2 та олтин, 14 та кумуш, 15 та бронза) қўлга киритди.

55-Халқаро Менделеев кимё олимпиадасида иштирок этган

7 нафар ўқувчимизнинг барчаси ғолиб деб топилиб, 28 та давлат ўқувчилари орасида 1 та олтин, 4 та кумуш ва 2 та бронза медалларини олишга муваффақ бўлди;

17 – Халқаро Жаутиков олимпиадасида ўқувчиларимиз 13 та медаль – 1 та олтин, 2 та кумуш ҳамда 10 та бронза медаль;

6 – Халқаро Кавказ математика олимпиадасида ўқувчиларимиз 5 та медаль – 4 та кумуш ва 1 та бронза медаль;

27 – Халқаро математика мусобақасида ўқувчиларимиз якка тартибдаги олимпиадларда 6 та медаль – 4 та кумуш ва 2 та бронза, жамоавий баҳсларда кичик ёшлилар жамоаси 3-ўрин (4 та бронза медаль), катта ёшлилар жамоаси 2-ўринни (4 та кумуш медаль) қўлга киритди.

Ғолибликни қўлга киритган ўқувчиларга пул мукофотлари ҳамда эсдалик совғалари топширилди.

Тадбирда Ўзбекистон Республикаси Бош вазири ўринбосари Б.Мусаев иштирок этди.