Қирғизистон президенти Садир Жапаров табиат қўйнида дам олувчилар қолдирган чиқиндиларни йиғган ҳолда, қирғизистонликларни тозаликка чақириб, Facebook саҳифасига видео-пост жойлаган ва шундай изоҳ қолдирган:

«Ҳурматли ватандошлар! Келинг, ўз табиатимизга эътиборли муносабатда бўлиб, бир-биримизни назорат қилиб, тарбиялаб, бир-биримизга ўрнак бўлайлик.

 

Биров-ярим бошқа ердан келиб табиатимизни тозалаб бермайди. Фақат бугунимиз билан яшамайлик.

 

Эртага фарзандларингиз, набираларингиз ҳам шу ерда дам олади».

Видеода эса табиат қўйнида дам олиб, ўзидан чиқиндилар қолдирган ватандошларни танқид қилиб, уларни тарбияли инсон сифатида ўзлари билан олиб кетишга чақирган.