Ўзбекистонлик истеъдодли ёш шахматчи Алмас Раҳматуллаев «Titled Tuesday» турнири доирасида Магнус Карлсенни мағлуб этишни уддалади, деб хабар берди Оламспорт.

Нашрнинг ёзишича, Раҳматуллаев ҳиндистонлик халқаро тоифадаги гроссмейстер Аржун Эргаисидан ҳам устун келган.

Маълумот учун «Titled Tuesday» онлайн турнири ҳафтанинг ҳар сешанба куни ўтказилади.

Мусобақанинг аҳамиятли жиҳати шундаки, унда рейтинги пастроқ шахматчилар ҳам дунёнинг кўзга кўринган гроссмейстерлари билан онлайн тарзда бўлсада ўйнаш имкониятига эга бўлади.