Тадбиркорлар билан бўлиб ўтаётган мулоқотда Президент тадбиркорларни жиноий жавобгарликка тортишни янада либераллаштириш муҳимлиги таъкидланди.

Масалан, солиқларни тўлашдан бўйин товлаш жинояти билан бир қатор тадбиркорлар жавобгарликка тортилмоқда. Бунда тадбиркор тўламаган солиқ 100 миллион сўмдан ошса, жиноятчи бўлиб қолмоқда.

Шуларни инобатга олган ҳолда, солиқ тўламаганлик учун тадбиркорга жиноят иши қўзғатишга асос бўладиган миқдорни 2 бараваргача ошириш таклиф қилинган.

Президент тадбиркорлар ушбу берилаётган енгилликни, билдирилаётган ишончни суиистеъмол қилмаслигига умид билдирган.