15 август куни Uzbekistan Airways авиакомпаниясининг Тошкент – Куала-Лумпур йўналишидаги рейсда йўловчиларнинг қимматбаҳо буюмларини ўғирлашга уриниш содир бўлган. Бу ҳақда авиакомпаниянинг ахборот хизмати хабар берди.

Авиақатнов Куала-Лумпурга етиб келгач, ҳаво кемаси экипажи томонидан полиция хизмати чақиртирилиб, бу ҳақда бортдаги йўловчиларга хабар берилган. Экипаж ҳуқуқни муҳофаза қилиш органлари вакиллари билан бирга ҳаво кемасини кўздан кечириш чоралари амалга оширилиб, барча буюмлар топилган. Гумонланувчилар чет эл фуқаролари бўлиб, ўша ернинг ўзида ушланган ва вазиятга ойдинлик киритиш мақсадида Малайзия пойтахти полиция хизматига олиб кетилган.

Хабарда авиакомпания йўловчиларнинг қўл юки учун жавобгар эмаслигини айтиб, огоҳликка чақирган.