Олий Мажлис Сенатининг эллик бешинчи ялпи мажлисида ҳуқуқ-тартибот органлари ходимларининг фото ва видеоларини уларни обрўсизлантириш мақсадида интернетда тарқатишни тақиқловчи қонун сенаторлар томонидан маъқулланмади.

Хабарга кўра, ҳужжат қайта кўриб чиқиш учун қайтарилган.

Таъкидланишича, «Йўл ҳаракати хавфсизлиги тизими такомиллаштирилиши муносабати билан Ўзбекистон Республикасининг Жиноят, Жиноят-процессуал кодексларига ҳамда Ўзбекистон Республикасининг Маъмурий жавобгарлик тўғрисидаги кодексига қўшимча ва ўзгартиришлар киритиш ҳақида»ги қонунида ҳуқуқ-тартибот идоралари ходимлари фаолиятига оид тасвирларни «обрўсизлантириш мақсадида» тарқатганлик учун жазо белгилаш ва жавобгарликка тортиш назарда тутилган.

Якунда маъқулланмаган ва ва қайтарилган ҳужжатни қайта қўриб чиқиш учун энди парламент палаталарининг келишув комиссияси тузилади.