14 август куни Новосибирскдан ота-она қарамоғисиз қолган бир гуруҳ Ўзбекистон болалари ўз Ватанига қайтарилди.

маълум бўлишича, Бош консулхона кўмаги билан 4 та шаҳар – Новосибирск, Иркутск, Красноярск ва Владивостокда қаровсиз қолиб кетган 14 ёшгача бўлган болалар бир жойга тўпланган.

Ота-онаси турли сабабларга кўра тарбиясида иштирок эта олмаган жами саккиз нафар бола Ўзбекистонга соғ-саломат олиб келинган.

«Қайд этиш жоизки, Бош консулхона Россия томонидан зарур ҳужжатларни имкон қадар тезроқ олиш учун барча имкониятларни ишга солди. Шунингдек, болаларни иссиқ овқат билан ўз вақтида таъминлади», дейилади хабарда.