Президент раислигида ўтаётган видеоселектор йиғилишида 4 та туман тажрибаси бўйича сусткашликка йўл қўйган барча раҳбарларга чора қаттиқ бўлиши ҳақида огоҳлантирилди.

Жумладан, мутасаддиларга Сайхунобод ва Уйчи тажрибаларида камчиликларга йўл қўйган масъулларга жавобгарлик чораларини кўриш, қолоқликларни бартараф этиш топширилди.

Зарбдор тажрибаси асосида ҳар бир туман ва шаҳарда камида 5 тадан «драйвер» лойиҳани шакллантириш, Ғиждувон тажрибаси асосида мингта маҳалланинг ўзида «тепага ўсадиган» (вертикал) саноат бинолари лойиҳаларини тайёрлаб, йил якунигача ишга тушириш вазифаси қўйилди.

Хабрга кўра, тажрибаларнинг ҳар бири бўйича масъулларга аниқ КПИ белгиланиб, ижроси устидан қатъий сўров ўрнатилиши белгиланди.