Тунги вақтда, яъни соат 23:00 дан 06:00 гача вақт оралиғида ўзгаларнинг осойишталиги ва нормал дам олишини бузган шахслар маъмурий жавобгарликка тортилади.

Жумладан, белгиланган вақт давомида баланд овоз билан қўшиқ айтиш, мусиқа чалиш, товуш сигналлари бериш, хонадонларда, турар-жойларнинг йўлаклари ва эшикларида, кўчаларда овози баланд қилиб қўйилган телевизорлар, радиоприёмниклар, магнитофонлар ва овоз чиқарувчи бошқа аппаратуралардан фойдаланиш, турар-жой биноларида ва улардан ташқарида жуда зарур бўлмаган ҳолда шовқин чиқарувчи ишлар қилиш мумкин эмас.

Мазкур тартибни бузган шахслар қуйидаги миқдорда жарима тўлайди:

▪️ оддий фуқаролар – БҲМнинг учдан бир қисми( тахминан 113 минг сўм);

▪️ мансабдор шахслар – БҲМнинг учдан бир қисмидан иккидан бир қисмигача(113 минг сўмдан 170 минг сўмгача).