9 август туни медаллар жамғарадиган кеча бўлиши мумкин. Сабаби, ўзбекистонлик атлетлар бугун 4 та, эҳтимолий тахминга кўра, 6 та медаль жамғариши мумкин.

Бунда агар атлетлар ғалаба қилса, 2 та олтин, 2 та бронза медаль жамоа таркибига қўшилади.

Қуйида спортчиларнинг янгиланган тақвими келтирилган:

▪️ Эркин кураш – Разамбек Жамалов — Виктор Рассадин (Тожикистон), (74 кг, ярим финал) – 21:20 дан сўнг;

▪️ Эркин кураш – Ғуломжон Абдуллаев — Бекзат Алмаз Улуу (Қирғизистон) (57 кг, бронза медали учун) – 22:10 дан сўнг;

▪️ Эркин кураш. Жавраил Шапиев — Аарон Брукс (АҚШ), (86 кг, бронза медали учун) – 22:25 дан сўнг;

▪️Бокс (71 кг) – Асадхўжа Мўйдинхўжаев — Марко Алонсо Верде (Мексика) (финал) – 00:30;

▪️ Бокс (92 кг) – Лазизбек Мулложонов — Алфонсо Домингес (Озарбайжон) (финал) – 01:34.

Бундан ташқари, Агар таэквондочилар – Жасурбек Жайсунов ва Озода Собиржонованинг рақиблари ҳам финалгача етиб борса, мазкур спортчилар ҳам бронза учун курашиш имкониятига эга бўлади.

Маълумот учун, ҳозирда Ўзбекистон делегацияси жамоа ҳисобида 3 та олтин, 2 та бронза билан 18-ўринда бормоқда.