У «таниш-билишчилик» қилиб, жавобгарликдан қутилиб қолмоқчи бўлган ҳайдовчининг телефонини ўчириб қўйган.

Бухорода «таниш-билишчилик» қилиб, жавобгарликдан қутилиб қолмоқчи бўлган ҳайдовчининг телефонини ўчириб қўйган ЙПХ ходими тақдирланди.

Ижтимоий тармоқларда тарқалган видеога кўра, қоидани бузган ҳайдовчи вазиятдан қуруқ чиқиб кетмоқчи бўлган. Шу сабабли у танишига қўнғироқ қилган ва уни ЙПХ ходимига тутган. Бироқ ходим гаплашмаслигини билдирган ҳамда телефонни ўчирган.

Маълум бўлишича, мазкур ходим Бухоро вилояти Ғиждувон тумани ИИБ ЖХХ ЙҲХБ йўл-патруль хизмати инспектори сафдор Суннат Эргашев бўлган.

Ўз хизмат вазифасига виждонан ёндашиб, ҳамкасбларига ўрнак бўлгани учун Эргашев ИИВ ЖХХ ЙҲХХ раҳбарияти томонидан 3 млн сўм пул мукофоти билан рағбатлантирилган.

Рағбатлантириш Бухоро вилояти ИИБ ЖХХ ЙҲХБ бошлиғи томонидан шахсий таркиб билан ўтказилган йўриқномада тантанали топширилган.