Ижтимоий тармоқларда бир фуқаронинг итни автомашинага боғлаб ҳаракатланаётгани акс этган видео тарқалди.

Маълум бўлишича, ҳолат Самарқанд вилоятида 29 ёшли шахс томонидан содир этилган.

Экологлар ҳуқуқ-тартибот идоралари ходимлари билан биргаликда ушбу шахсга чора кўрган.

Хабарга кўра, йигитга нисбатан МЖтКнинг 111-моддаси (ҳайвонларга нисбатан шафқатсиз муносабатда бўлиш) билан маъмурий баённома расмийлаштирилган ва БҲМНинг 3 баравари (1 миллион 20 минг сўм) миқдорида жарима белгиланган.