Юнон-рум курашчиси Рустам Ассаколов (-97 кг) ҳам Париж-2024 ёзги Олимпия ўйинларида муваффақиятли старт олди.

Тажрибали спортчи 1/8 финалда гондураслик Кевин Мехияни мағлуб этиб, чорак финалга чиқди.

Ушбу босқичда унга арманистонлик Артур Алексанян рақиблик қилади.

Актенге Кеунимжаева ҳам Олимпиададаги илк баҳсини ўтказди.

У аёллар курашининг -50 кг вазн тоифасидаги 1/8 финалида украиналик Оксана Ливач билан беллашди.

Баҳс Ливачнинг ғалабаси билан якунланди.

Энди у финалгача етиб борган тақдирдагина Актенге бронза медали учун курашиш имконини сақлаб қолади.

Маълумот учун, Актенге Кеунимжаева аёллар курашида дебют қилган илк ўзбекистонлик аёл спортчи ҳисобланади.