Сурат яқинда еттинчи марта «Олтин тўп»ни қўлга киритган Лионел Месси туғилиб ўсган шаҳар – Росариодаги бинога чизилган.

Муралга «Бошқа галактикадан ва менинг шаҳримдан» деб ном берилди. Муҳташам стрит арт намунаси 69 метр узунликдаги уйга чизилган бўлиб, унда футболчи Аргентина терма жамоаси либосида тасвирланган.

Расмнинг ўлчами рамзий маънога эга: Мессининг бўйи — 1,69 м. Девор тасвирининг баландлиги — 69 метр.

Эслатиб ўтамиз, ўтган ёзда Лео Аргентина терма жамоаси билан Америка Кубогида ғалаба қозонганди.