«Китоблараро 80 кун» марафони доирасида эълон қилинган #китобсеварлар челленжи ўз ниҳоясига етди.

Челленжнинг дастлабки босқичида 100 дан ортиқ юртдошларимиз иштирок этдилар. Лекин иштирокчиларнинг аксарияти белгиланган талабларни бажармагани боис, 10 та фотосурат танлаб олинди ва овозга қўйилди.

2 август 18.20 дан 4 август 20.00 га қадар давом этган овоз бериш жараёни натижасига кўра ғолиблар аниқланди.

1224 та овоз билан 1-ўринни қўлга киритган Камола Одилжонова Bookreader қурилмаси билан тақдирланади.

906 та овоз билан 2-ўринни эгаллаган Хуршид Серобов китоблар тўплами билан тақдирланади.

3-ўринга муносиб кўрилган Шоҳёр Баҳромов эса 216 та овоз тўплаган ва бу иштирокчимизга ҳам китоблар тўплами топширилади.

Челленжда иштирок этган юртдошларимизга миннатдорлик билдирамиз ва ғолибларимизни жамоамиз номидан табриклаймиз.