Куни кеча ижтимоий тармоқларда бир аёлнинг чанқаган қуш(майна)га сув бергани тасвирланган видео тарқалди.

Воқеа Андижон шаҳар «Фурқат шифохонаси» ҳудудида содир бўлган.

Шундан сўнг ушбу кадрлар #Onaxonga_respekt хештеги билан бутун ижтимоий тармоқларга ёйилди. Кенг жамоатчилик эса аёлнинг мазкур ишини олқишлаган.

Маълум бўлишича, аёлнинг исми Зоя Когай бўлиб, у Андижон вилоятида истиқомат қилади.

Андижон вилояти Экология, атроф-муҳитни муҳофаза қилиш ва иқлим ўзгариши бошқармаси хабарида Зоя Когай «қаҳрамон» сифатида эътироф этилган. Табиатга ва унинг ажралмас қисми бўлган қушларга беэътибор бўлмаганлиги учун бошқарма раҳбарияти томонидан аёлга миннатдорлик билдирилган ҳамда совға билан тақдирланган.