Туркия ахборот технологиялари ва алоқа бошқармаси(BTK) қарори билан мамлакатда Instagram блокланди.

Маълум бўлишича, тақиқ бугун эрталабдан бошланган.

Хабарларда ёзишича, Эроннинг пойтахти Теҳронда Ҳамас сиёсий бюро раҳбари Исмоил Ҳанийнинг Исроил томонидан ўлдирилиши ҳақидаги хабарлар ва Ҳаний ҳақидаги постлар Instagram томонидан блоклаганишни бошлаган. Шунингдек, платформа марҳумга билдирилган таъзия хабарларига ҳам чеклов қўйган.

Шундан сўнг, Туркия алоқа хизмати расмийси Фаҳреттин Альтун Х платформасида мазкур мавзуга тўхталган ва Instagram'ни танқид қилган.

«Бу очиқ-ойдин цезурадир», деб ёзган у.

Расмийнинг баёнотидан кейин эса Туркия ҳам Instagram'га блок қўйган.

Эндиликда фойдаланувчилар мазкур ижтимоий тармоққа VPN ва бошқа муқобил дастурлар орқали киришга ҳаракат қилмоқда.

BTK веб-сайтида бу тақиқ қанча давом этиши ёки тақиқнинг сабаби ҳақида ҳеч қандай маълумот йўқ.