Рақобат қўмитаси бир қатор маҳсулотларни амалдаги ҳужжатларга номувофиқ деб топди.

Маълум бўлишича, улар лаборатория синовларидан ўтказилган.

«Рақобат қўмитаси томонидан назорат хариди учун савдо шохобчаларидан 9 номдаги озиқ-овқат маҳсулотларидан намуналар харид қилинди ва аккредитациядан ўтган лабораторияларга синовдан ўтказиш учун тақдим этилди.

 

Синов натижаларида 8 номдаги маҳсулотларни амалдаги техник жиҳатдан тартибга солиш ҳужжатларига номувофиқлиги аниқланди», дейилади хабарда.

Сифатсиз деб топилган товарлар қуйидагилар:

▪️ «Bruni» шоколадли кекс маҳсулоти;

▪️ «SELLATILGAN MOL GO‘SHTI oliy nav» консерваланган мол гўшти маҳсулоти;

▪️ «BIO KIFER» кифер маҳсулоти;

▪️ «Qand» маҳсулоти;

▪️ «Черноголовка» газланган салқинлантирувчи ичимлик маҳсулоти;

▪️ «URUSSA» кунгабоқар ёғи;

▪️ «Кунжутное масло» ёғ маҳсулоти;

▪️ «Sedana yog'i» ёғ маҳсулоти.

Хабарга кўра, ҳозирда аниқланган камчиликларни бартараф этиш ва сифатсиз маҳсулотларнинг сотилишига чек қўйиш мақсадида Рақобат қўмитаси томонидан юқоридаги товарларни ишлаб чиқарувчи корхоналарга тегишли чоралар кўрилмоқда.