Ўзбекистон Республикаси Президенти жорий йилнинг 7–8 август кунлари давлат ташрифи билан Қозоғистон Республикасида бўлади. Бу ҳақида Қозоғистон Республикаси Президентининг матбуот хизмати хабар берди.

Шу кунлари, яъни 7 август куни Остона шаҳрида «Қозоғистон–Ўзбекистон» бизнес-форуми ўтказилиши ҳам режалаштирилган.

Бу ҳақда Қозоғистоннинг Ўзбекистондаги элчихонаси хабар берди.

«Тадбирдан кўзланган мақсад – Қозоғистон корхоналари ва потенциал харидорлар ўртасида тўғридан-тўғри алоқаларни ўрнатиш ва савдо алоқаларини фаоллаштириш, икки томонлама учрашувлар ўтказиш», дейилади хабарда.

9 август куни эса Остона шаҳрида Марказий Осиё давлатлари раҳбарларининг олтинчи маслаҳат учрашуви бўлиб ўтади.