Америка Қўшма Штатларининг Калифорния штати Санта Клара шаҳрида Силикон водийси Халқаро ихтирочилар инновацион фестивали — “The Silicon Valley international invention festival (SVIIF)” бўлиб ўтди. Бу ҳақда ЎзА хабар берди.

Қайд этилишича, унда илк бор ўзбекистонлик олима аёл, Тошкент давлат техника университети кафедраси мудири Параҳат Матёқубова иштирок этди.

Матёқубова фестиваль доирасида ташкил қилинган танловда “SVIIF-2024” — “The Finals” номинацияси бўйича “Ихтирочи мутахассис махсус соврини” ҳамда олтин медаль билан тақдирланди.

Маълумот учун, олимага ушбу мукофот дон маҳсулотлари ва қаттиқ сочилувчан материалларнинг намлигини назорат қилиш қурилмаси учун олган патенти учун топширилди.