Япониялик дзюдочи Абэ Утанинг акаси Абэ Хифуми ўз вазни тоифасида олтин медални қўлга киритиб, уни синглисига бағишлади:

“Синглим ютқазганида ажабланиб, кун бўйи аччиқланиб юрдим. Лекин мен курашишим керак эди. Мен синглим учун олтин медални қўлга киритганимдан бағоятда хурсандман” – дейди мазкур Олимпиада ўйинларида иккинчи бор олтин медаль соҳиби бўлган Абэ Хифуми.

Аввалроқ дзюдо бўйича курашда Ўзбекистонлик Диёра Келдиёрова рақиби Япониялик Абэ Утани мағлуб этиб, мамлакат тарихидаги биринчи олтин медаль соҳибасига айланганди.