Марҳамат туманида истиқомат қилувчи, 2007 йилда туғилган фуқаро каналда оқиб кетди. Бу ҳақда Бош прокуратура матбуот котиби Ҳаёт Шамсутдинов Oyina.uz'га маълум қилди.

Қайд этилишича, 24 июль куни соат 13:30 ларда С.С. Марҳамат тумани «Қовунчи» МФЙ ҳудудидан оқиб ўтувчи «Катта Фарғона» каналига чўмилишга борган ва эҳтиётсизлиги оқибатида сувда оқиб кетган.

«Мазкур ҳолат юзасидан Марҳамат туман прокуратураси томонидан терговга қадар текширув олиб борилмоқда.

 

Терговга қадар текширув вилоят прокуратураси томонидан назоратга олинди», дейилади хабарда.