«ADM Jizzakh» электромобиллар импорти учун божларни қайтаришни таклиф қилган. Бу ҳақида Spot.uz завод бош директори Дониёр Давлетияровнинг сўзларига таяниб хабар берди.

Давлетияровнинг сўзларига кўра, Ўзбекистондаги автомобиль бозори «ҳаддан ташқари тўйинган ва қизиб кетган». Шунинг учун у жисмоний шахслар томонидан олиб кириладиган автомобиллар импортини тартибга солиш керак деган фикрда.

Унинг таъкидлашича, агар автомобиль ишлаб чиқарувчиси 60 дан ортиқ техник талабларга жавоб бериши керак бўлса, унда импорт маҳаллий стандартларга жавоб бермайди.

Бундан ташқари, «ADM Jizzakh» бош директори автотранспорт воситаларини расмий дилерлар орқали олиб кириш тартибини тиклаш таклифини ҳам билдирган.