Бугун, 24 июль куни Шавкат Мирзиёев 67 ёшни қаршилади.

Президент Шавкат Мирзиёев туғилган кунида ишда, кечки пайтни оиласи даврасида камтарона ўтказади. Бу ҳақида Газета.uz давлат раҳбари матбуот котиби Шерзод Асадовнинг сўзларига таяниб хабар берди.

«Давлат раҳбари туғилган кунида ишламоқда, оқшомни эса оиласи даврасида камтарона ўтказади. Хорижий давлатлар раҳбарлари билан бир қатор телефон мулоқотлари ҳам режалаштирилган», – деган Асадов.

Маълум бўлишича, Президент совғалар қабул қилмайди.

Анъанага кўра, шу куни хорижий давлатлар, ҳукуматлар ва парламентлар, халқаро ва минтақавий ташкилотлар раҳбарлари, таниқли сиёсий ҳамда жамоат арбобларидан ёзма табрикномалар келади.