«Чорвоқ» сув омборининг «Бурчмулла» сув ҳавзасига дам олиш мақсадида келган 2 нафар фуқаро бахтсиз ҳодиса туфайли вафот этди.

Маълум бўлишича, Зангиота туманида истиқомат қилувчи 19 ёшли фуқаро сув скутерини ҳайдаш вақтида бошқарувни эплай олмаган ва қаршисидаги катамаранга бориб урилган.

Натижада катамаранда бўлган 2 нафар Фарғона вилоятидан келган фуқаро тан жароҳати олган ва ҳодиса жойида вафот этган.

Воқеа 20 июль куни, соат 14:30 ларда содир бўлган.

Ҳолат юзасидан Бўстонлиқ тумани ИИБ ва Прокуратураси томонидан ҳозирда суриштирув ишлари олиб борилмоқда.