Эртага, 18 июль куни жадидларнинг таълим ва маориф соҳасидаги ташаббусларига бағишланган «Жадидлар. Туркистонга мактублар» номли янги мультимедиа кўргазмаси ўз ишини бошлайди.

Бундан кўзланган мақсад намойиш ашёлари орқали Германияга ўқишга юборилган туркистонлик талабаларнинг тарихини очиб беришдир.

Маълум бўлишича, мазкур махсус кўргазма учун савдо марказида 1400 кв/метрдан ортиқ майдонга эга алоҳида жой ажратилган.

Кўргазмада бир нечта бўлимлар мавжуд бўлиб, унда архив материаллари ёрдамида ташриф буюрувчиларга уч тилдаги тасвирий ва овоз қурилмалари тақдим этилади.

Таъкидланишича, уларнинг аксарияти томошабинлар учун янгилик бўлади.

«Умид қиламанки, кўргазмага ташриф буюрувчилар 73 нафар талабадан иборат жадидлар авлодининг минтақамиз маданий-маърифий меросига қўшган ҳиссасига муносиб баҳо бериб, уларнинг билим ва юксакликка интилишларидан илҳомланадилар», — дейди тарих фанлари бўйича фалсафа доктори Баҳром Ирзаев.

Кўргазмага кириш пулли бўлиб, чипталар итиcкет.уз сайтида сотилмоқда.