Ижтимоий тармоқларда тарқалган хабарларга кўра, Ўзбекистон Либерал-демократик партияси 15 дона Chevrolet Tracker, 1 дона Chevrolet Traverse ва 1 дона Киа К5 сотиб олишга қарор чиқарган.

Бу бўйича ЎзЛиДеП партияси расмий муносабат билдирди.

Маълум бўлишича, партия 2024 йилнинг бюджетида машина харид қилишни кўзда тутмаган ва жорий йилда бирорта ҳам автомашина харид қилинмайди.

«Партиямизнинг 2024 йил учун тасдиқланган бюджетида хизмат автотранспорт воситаларини харид қилиш учун маблағ ажратилмаган ва кўзда ҳам тутилмаган.

Шу сабабли, партиямиз 2024 йилда бирорта ҳам автотранспорт воситаларини сотиб олмаслигини маълум қилади», дейилади муносабатда.