92 ёшли хитойлик аёл қариялар уйидан қочиш учун икки метрлик панжара устидан ошиб ўтди.

Маълум бўлишича, у шундай ғайрати билан ҳам узоққа бора олмаган. Ходимлар уни орадан 25 дақиқа ўтиб топишган ва ортга қайтаришган.

Бу ёшдаги қарияларнинг аксарияти зинапояга зўрға кўтарилади, бироқ 92 ёшли хитойлик аёл икки метрлик панжарадан 24,5 сонияда ошиб ўтишга муваффақ бўлган.

Хабарларга кўра, қариянинг бўйи 1,6 метр. У Альтсгеймер касаллиги билан оғриган. Бироқ касаллик унинг жисмоний фаолиятига таъсир қилмаган.

Аёлнинг қочиш жараёни тасвирланган видео ижтимоий тармоқларга миллион марта кўрилгани айтилмоқда.