Ўзбекистон Республикаси Президенти номидан Ўзбекистон халқидан Қирғизистон халқига ўнлаб юк машиналарда инсонпарварлик ёрдамлари юборилди.

Ушбу юк машиналарига хўжалик моллари, кийим-кечак, озиқ-овқат, қурилиш моллари каби барча зарурий маҳсулотлар ортилган.

Юклар Хўжаобод туманидаги «Дўстлик» чегара божхона пости орқали ўтказилган.

Ўзбекистон вакиллари сел оқимидан зарар кўрган Ўш шаҳридаги «Янги» маҳалла хонадонларига ҳам бориб, қардош элга Ўзбекистон Республикаси Президентининг сўзларини етказган.

«Ўзбекистон республикаси Президенти жўнатди мени. мен Андижон вилояти ҳокимиман. «Бор, хабар олгин, ёрдам бергин», деди. Шу ерга вакилимизни ташлаб кетаман, айтасизлар. Ёрдам беради», деган Ўзбекистон вакили сифатида борган Андижон вилояти ҳокими.